PERIOD·de·CAL(alifornia) : (BBSCA) Barangay Balsahan Senior Citizen Association

Municipality of Naic

Province of Cavite

Barangay Balsahan

(BBSCA) Barangay Balsahan Senior Citizen Association

Paglalahad at Mungkahing Katitikan sa pulong na ginanap noong Nov. 8, 2008 Sa Brgy. Day Care Center.

* Nagsimula ang pulong ganap na ika-9 ng umaga sa pambungad na panalangin ng Presidente G. Lito Reyes.

* Sinundan ng pagpapakilala ng simbulo na BBSCA o Barangay Balsahan Senior Citizen Assn. At ang mungkahing titulo ng presidente para sa proyekto, “ Tulong Mo, Seguro Ko!” na kaagad inaprubahan ng lahat. Na ang ibig sabihin, bawat ambag ng miyembro, tulong mo para sa sarili mo, nakatulong ka pa sa kapwa miyembro mo.

* Nilakad ng presidente and paksang tatalakayin ukol sa ikagaganda at ikabubuti ng BBSCA.

* Mahinahong ipinaliwanag ng presidente na tayo ay iilang panahon na lamang sa mundo at darating at darating ang hindi inaasahan sa bawat isa – ang dapit-hapon ng buhay. Kung kaya’y ito’y dapat paghandaan lalo na sa mga mahihirap sa ating barangay.

* Ito rin ang nagbunsod ayon sa presidente na makagawa ng isang mahalagang bagay para sa lahat ng senior citizen ng barangay Balsahan na magpapaalaala sa mga susunod pang mga Senior Citizen ng Balsahan.

* Detalyadong ipinaliwanag ng presidente ang operation sa pagbibigay ng mga halimbawa katulad ng mga sumusunod:

A. Na ang bawat miyembro ay magbibigay ng halagang (P/50.00) singkuwenta pesos kada buwan hanggang sa panahon ng operation at kanyang makakayanan.

B. Na inaasahang hindi lahat ay makakapagbigay ng P/50.00 kada buwan dala ng kanilang kalalagayan.

C. Na magiging pabor sa mga makakakumpleto ng kontribusyon kaya hinihimok ang lahat na makakumpleto din.

D. Na maraming katanungang dapat sagutin at ipaliwanag bago maaprubahan ang proyektong ito.

* Nagbigay din ng halimbawa ang Presidente sa magiging takbo ng operasyon.

Ex. P/50.00 per member x 12 mos. = P/ 600.00 (yearly)
If we have 50 members x 50 = P/ 2,500.00 (monthly)
50 members x P/600.00 = P/ 30,000.00 (yearly)

* What to be benefit in case of death?

A. To return all contributions plus 5% of the total funds of BBSCA. (If your contribution is completed )

B. To return only the no. of months or years plus 3% of the total funds of BBSCA (If not completed)

* Kaya iminungkahi ng presidente na maging kumpleto ang kontribusyon upang maging buo din ang tatanggaping benipisyon. Isinaalang-alang din ng presidente ang kalalagayan ng ibang kasapi.

* Buong linaw ding ipinaliwanag ng presidente ang ilang mga katanungang dapat sagutin at maintindihan ng lahat kasama na ang pag-aapura nito sa susunod na pulong:

A. Sino ba ang kuwalipikadong makasapi sa BBSCA?

B. Paano kung lihitimong taga Balsahan ngunit hindi na dito naninirahan?

C. Paano naman kung lumipat lamang dito at hindi naman taga Balsahan?

D. Paano kung tumagal na ng taon at malaki na ang Pondo ng BBSCA, parehas o pareho lang ba ang contribution na dapat ibayad lalo at hindi lihitimong taga Balsahan?

E. Paano kung ang bagong sapi ay siya pang nausa sa mga nagtatag nito?

F. Ang daming paano at bakit na tanong ang dapat pang masagot kaya iminungkahi ng Presidente na mapagaralang mabuti bagot it aprubahan ng lahat.

* Patuloy ding ipinaliwanag ng presidente na kung ang pondo at umabot na sa isang daang libong piso (P 100,000.00) o pataas, pwede na itong gawing 10% o pataas, pwede na itong gawing 10% instead of 5% for the total funds, siempre with the approval of the body.

* Subalit iminungkahi din ng presidente na kung ang pondo ay umabot sa malaking halaga, dapat na maging initial contribution ng mga bagong sasapi ay mayroon ng bracket o limitasyon dapat sundin. Ito ay upang maging favor naman sa mga nauna ng kasapi na nakapag ipon na ng malaking pondo ng association.

* Malinaw ding binigyang diin ng presidente na dalawang magiging asignatory bank deposits, and Tresurero/Ingat-yaman at ang Presidente ng Assn.

* Iminungkahi naman ni G. Deven Reyes na mabigyan ng kopya ang lahat upang maintindihan ang magiging takbo ng operation.

* Naitanong naman ni Gng. Melit Bautista kung pwede makautang sa Assn. sa biglaang pangangailangan o pagkakasakit?

* Sinagot ng presidente and tanong at sinabing hindi pwede sapagkat maaaring tularan ng lahat. At ang unang layunin ng Assn. ay para sa karagdagang gastusin sa paglisan o pagpanaw ng isang miyembrong kasapi at wala ng iba pa.

* Binanggit din ni G. Deven Reyes na ang mga taga Balsahang mga Senior Citizens nasa ibang bansa ay posibleng sumapi din sa BBSCA hindi upang makakuha din ng benepisyo inaasam ng ating mga mahihirap na Senior Citizen ng Balsahan kundi ang makatulong at makapag ambag ng biyayang kaloob ng Diyos sa kanila.

* Sinundan ito ng paliwanag ng presidente na napakagandang mungkahi ni G. Deven Reyes at naniniwala ang presidente na 100% na susuporta at magbabahagi ang ating Senior Citizen na nasa abroad.

* Nasiyahan ang mga nagsidalo sa naging pulong.

* Pahabol na hiniling ng Presidente na manalangin ang lahat na ito ay maisakatuparan sa taong papasok 2009.

* Ang pulong ay natapos ganap na 10:45 ng umaga.

________________

Acting Secretary

LITO P. REYES

PERIOD·de·CAL(alifornia) : SYNCHRONIZED BARANGAY ASSEMBLY DAY

Republic of the Philippines

Province of Cavite

Municipality of Naic

BARANGAY BALSAHAN

SYNCHRONIZED BARANGAY ASSEMBLY DAY

(Oct. 25, 2008)

I. Pagsasa-ayos ng pulong

Pinatawag ni Kapt. Gerald Sugue sa kalihim ng Barangay ang taga-pagsalita pagpupulong upang simulan ang pulong ng maaga.

II. Panalangin

Bago simulan ang pagpupulong, pinangunahan ng Presidente ng Senior Citizen ang Panalangin..

III. Mahalagang Paksa ng Pagpupulong

Agenda:

• Presentation of Accomplishment ang Financial Report
• Public Hearing on the Proposed enactment of Brgy. Revenue Code

- Nagsimula ang pagpupupulong sa pangunguna ni Kapt. Gerald Sugue sa pamamagitan ng paglahad ng kanyang paksa..

- Ang pulong ay sinimulan sa pagkilala sa mga bagong nahalal na officer ng Senior Citizen.

- Hiningi ni Kapt. Gerald Sugue na makapagsalita ang bagong Presidente na nahalal.

- Kasunod nito ang pagpapakilala ni Kapitan sa kanyang konseho at kani-kanilang hawak na komite.

- Pinakilala niya rin ang mga bumubuo ng BPSO (Barangay Police Security Officer) magmula sa hepe hanggang sa mga miyembro nito.

- Maging ang BHRAO (Barangay Human Rights Action Officer) ay muli niyang pinakilala.

- Matapos ang pagpapakilala ni Kapt. Gerald Sugue sa mga bumubuo ng Brgy. Official, sinundan ito ng pag-rereport ng mga konseho sa kani-kanilang komite.

- Unang nagpahayag ng kanyang Komite si SK Chairman Jhonjose Arcega, Komite ng Sports & Development.

- Inilahad niya ang natapos niyang proyekto na basurahan at paglilinis nila ng ilog katulong ang kanyang kagawad, pati na rin ang plano na makapag-paliga ng Softball ay Volleyball para sa kabataan.

- Pangalawang nagpahayag ng kanyang komite si Kgg. Cornelio Pinco, Komite ng Clean & Green.

- Inilahad niya ang paglilinis na kanyang nadaluhan at nagampanan, ang River Sanitation, Coastal Clean-up at maging ang libreng bakuna sa mga hayop o anti-rabist ay kanyang binanggit.

- Pangatlong nagpahayag ng kanyang komite si Kgg. Darryl Sunga, Komite ng Cooperative & Livelihood.

- Inilahad niya ang mga aktibidad na kanyang nadaluhan, mga pagdalo ng monthly meeting, pag-duty tuwing martes ng gabi at bilang komite ng Cooperative & Livelihood, kinausap niya ang mga kababaihan na marunong manahi na makipag-coordinate sa Balsahan Elementary School para sa unfiorm ng mga estudyante.

- Pang-apat na nagpahayag ng kanyang komite si Kgg. Sherly Toribio, Komite ng Kababaihan at Pamilya.

- Inilahad niya na maghikayat ng mga magulang na gawin ang naaangkop sa kanilang tungkulin at bumuo ng isang samahan ng mga kababaihan upang magkaroon ng hanap-buhay o pagkakakitaan.

- Panglimang nag pahayag kanyang komite si Kgg. Danilo Javier, Komite ng Katahimikan at Kapayapaan.

- Inilahad niya na walang kaso siyang nahawakan na taga-Balsahan tanging mga dayuhan lamang na nag-aaway sa lugar na nasasakupan ng Barangay Balsahan.

- Kasunod ang pagre-report ni Kapt. Gerald Sugue sa kanyang mga proyekto sa barangay at ang paghayag niya sa kabuuang pondo ng barangay.

- Inilahad niya na Php 555,654.00 ang kabuuang pondo ng barangay na nahati sa 5% Calamity Fund, 10% SK (Sangguniang Kabataan) Fund, 20% BDF (Barangay Development Fund), 2% GAD (Gender ang Development) at ang ibang natitira ay mapupunta sa MOOE (Maintenance and Other Operating Expenses).

- Inilahad niya din ang kanyang proyekto, ang pagre-repaint ng mga poste, pagpapagawa ng bagong Official Board, pagpapagawa ng Railings ng hagdan sa may looban, pagkakabit ng bagong ilaw sa mga poste, pagpapagawa ng arko sa susunod na taon pati ang planong maglalagay ng kanal lining ay kanya ding nilahad.

- Kasunod nitong pinag-usapan ang tungkol sa Taxation ng Barangay Revenue Code.

- Ipinaliwanag ni Kapt. Gerald Sugue ang tungkol sa Taxation ng Barangay Revenue Code. Sinabi niya na ito ay ipapasang ordinansa na maglalayon na magtakda ng mga kaukulang buwis, butaw at singil, layunin natin madagdagan ang ating pondo nang sa gayon ay mas marami pang proyekto an ating maisasagawa para sa ikaga-ganda ng ating barangay.

- Matapos mapag-usapan ang mahahalagang paksa dumako naman kami sa Open Forum at Other Matters..

- Nasabi ni Kapitan ang kanyang nais gawin na mapaganda at maisa-ayos ang eskwelahan ng Balsahan sa tulong ng Principal at nasabi niya rin na nakapagpatayo na ng ilang karagdagang silid-aralan na may dalawang palapag.

- Nasabi niya din na sa susunod na taon sana ay mapatupad ang kanyang kahilingan na magkaroon ng sariling palaruan o Covered Court ang Balsahan Elementary School.

- Sinabi niya din ang ipinararating ng Principal na sana ay mapag-isa ang eskwelahan at ang barangay upang maibalik ang kagandahan ng ating Sakatihan Field.

- Nabanggit din ni Kapitan ang libreng pagbabakuna sa aso at pagpapaskil ng ordinansa para sa mga hayop kung saan nakapaloob dito ang lahat ng pagbabawal sa nasabing hayop.

- Nasabi din ni Kapitan na ipagbigay alam sa barangay ang mga bagong lipat na mangungupahan upang makilala at mai-register na sila ay sa ating barangay naninirahan.

- Inilahad din niya ang pagkakaroon ng blogsite ni Mr. Ding Reyes at Mr. Delfin Gutierrez .

- Sinabi din niya ang kanyang mungkahi na nais niyang gawing Computer Learning ang ilalim ng Barangay Hall.

- Kasunod nito ang mga mungkahi at mga hinaing ng mga kabarangay.

- Mga mungkahi na mabawasan ang mga nagtatapon ng basura sa ilog, mga taong umiihi sa pribadong lugar at tabi ng kalsada, mga dumi ng hayop na nagkalat sa kalye at mga kalat sa bakanteng lote sa may looban.

- Lahat ng hinaing at mungkahi ng mga dumalo ay sinagot ni Kapitan at nasabi niya na ang lahat ng problema ay mabibigyan ng kasagutan kung ang bawat isa ay magtutulungan, at kanyang binigyang pansin ang mga problema para sa ikagaganda at ikalilinis ng kanyang nasasakupan.

- Matapos ang mga hinaing at mungkahi ng bawat isa, sinimulan nang ipamigay ang mga bigas at pagkain sa mga dumalo sa pulong.

- Huling binanggit ni Kapt. Gerald Sugue na mabibigyan ng kasagutan ang lahat ng hinaing at magkakaisa bawat isa sa pamamagitan ng mga namumuno ngayon.

- At isinara ni Kgg. Sherly Toribio ang pulong sa pamamagitan ng pagpapasalamat sa lahat ng dumalo at nakiisa sa naganap na Asembliya sa Barangay.

- Kung kaya't ang pagpupulong ay natapos sa ganap ba 10:30 ng gabi.

NOALYN P. ARCEGA

(Kalihim ng Barangay)

APPROVED BY:

GERALD J. SUGUE

(Punong Barangay)

PERIOD·de·CAL(alifornia) : Brgy. Balsahan Project : Repair and Maintenance of paso

Si Kapitan Gerald Sugue ang ating kasalukuyang kapitan ng Barangay Balsahan. Marami siyang proyekto sa ating nayon . Isa na dito ang pagsasa-ayos ng "paso" o hagdanang bato papuntang lumang palengke. Sa pamamagitan ng pondo ng barangay ay kanyang napagawa ang mga railings o harang sa kabilang panig ng hagdan.


Ito ang paso noong 1996. Sira-sira na ito. Pinintahan ito nang malapit na ang pista ng bayan ng Naic sa pangunguna ni kuya ding reyes.

Ito naman ang paso na maayos na ang mga baytang at may isang railing lang at may poste na din ng ilaw. Sa termino nina kapitan nayong dela cruz ito ginawa sa pamamagitan ng pondo ni board member toto unas ng probinsiya ng kabite na isa ding taga-balsahan at si kuya bot jacob ang namahala. sa termino ni kapitana naty pisig, ito ay pinananatiling maayos. at sa termino ni kapitan gerald sugue ay ginawang magkabila na ang railings.

Ito na ngayon ang paso na may magkabilang railings. (picture courtesy of Brgy. capt. gerald sugue)

Makikita sa larawan ang paggagawa ng railings o harang sa ating paso.(picture courtesy of brgy. capt. gerald sugue)

PERIOD·de·CAL(alifornia) : Balsahan Reunion

periodical (adj.): meaning"published at regular intervals, as weekly, etc."

"sa pitak pong ito ay pwede ninyong ipadala sa amin ni delfin sa pamamagitan ng email kung ano man ang inyong nais na ipasabi o ipaalam bukod sa mga komento at puna. pwede ninyong sabihin dito ang mga gawain (activities), talaan ng mga gawain (schedule) sa mga susunod na araw na gusto ninyong iparating sa iba pang mga kanayon natin. pwede din po ipabalita ang mga pangyayari (events) at ibang balita(news) sa balsahan man o saan mang lugar sa buong mundo kung saan may taga-balsahan, ito po ay ating ilalathala, . . ."


mula kay NAICAN (boyet lopez) taganaic@yahoo.com :

"Date: Wednesday, October 15, 2008, 11:13 PM


To all,
Kumusta na sa inyong lahat. We are planning on having a Barangay Balsahan
Reunion during the Labor Day weekend next year. We are asking everyone's
opinion on what would be the best date, Sept. 5 or 6, 2009 and where we should
have the reunion. Should we have the reunion at Lakewood, Ca., San Diego, Ca.,
or Bay Area Northern California. Your opinions are well appreciated. "

PERIOD·de·CAL(alifornia) : Balsahan Senior Citizen

periodical (adj.): meaning"published at regular intervals, as weekly, etc."

"sa pitak pong ito ay pwede ninyong ipadala sa amin ni delfin sa pamamagitan ng email kung ano man ang inyong nais na ipasabi o ipaalam bukod sa mga komento at puna. pwede ninyong sabihin dito ang mga gawain (activities), talaan ng mga gawain (schedule) sa mga susunod na araw na gusto ninyong iparating sa iba pang mga kanayon natin. pwede din po ipabalita ang mga pangyayari (events) at ibang balita(news) sa balsahan man o saan mang lugar sa buong mundo kung saan may taga-balsahan, ito po ay ating ilalathala, . . ."


nagkaroon ng pulong at eleksiyon ng opisyal ng senior citizen sa Balsahan noong October 12, 2008.

ito ang minutes ng meeting ng mga senior citizen sa brgy. balsahan:

Republic of the Philippines

Province of Cavite

Municipality of Naic

Barangay Balsahan

Ganap na pinatawag ang mga Senior Citizen noong Oct. 12, 2008 sa ganap na alas 4:00 pm ng hapon sa Brgy. Daycare Center.

Mga Dumalo:

1. Carmelita Reyes 2. Constancia Marquez

3. Sonia Punzalan 4. Teresita Macapagal

5. Eva Pascual 6. Erlinda Ilog

7. Julita Nazareno 8. Abelardo Arcega

9. Ernesta Pinco 10. Alfredo Del Rosario

11. Pacita Cayas 12. Marciano Amazona

13. Danilo Atienza 14. Reynaldo Garcia

15. Rodolfo Valenzuela 16. Amparo Miranda

17 Margarita Valenzuela 18. Alejandro Juliano

19. Remedios Lopez 20. Mila Del Rosario

21. Zenaida Juliano 22. Zanty Repil

23. Josphine Maborrang 24. Lucy Dela Cruz

25. Leonor Pinco 26. Luz Gutierrez

27. Herminigildo Del Rosario 28. Miguel Tañag

29. William Todavia 30. Avelina Toribio

31. Julieta Unawa 32. Lito Reyes

Sinimulan ang pulong sa pamamagitan ng isang panalangin sa pangunguna ni Mr. Lito Reyes.

Sinundan ng pagpapaliwanag ni Kapt. Gerald J. Sugue kung bakit biglaan ang pagpapatawag ng pulong para sa mga Senior Citizen.

Ipinaliwanag nya na magkakaroon ng Election of officers na kakatawan sa Brgy. Balsahan o magtatatag ng isang samahan para sa matatanda.

Kasunod nito ang pagpapakilala ni Kgg. Darryl Sunga sa panauhing pandangal na si Mr. TerasingPoblete, Pangulo ng buong Senior Citizen ng Naic.

Bago simulan ang Election of Officers,naitanong muna ni Mr. Lito Reyes sa pangulo ng Senior Citizen kung ano ang magiging papel ng mahahalal na pangulo ng Senior Citizen ng Brgy. Balsahan.

Ayon sa pangulo ng Senior Citizen, ang isang pangulo ay nahalal bilang pinagkakatiwalaan at gagawa ng mga bagay kung paano mapapaangat ang kanilang samahan at ito'y walang sweldo, ito'y sakripisyo, isang Organisasyon para maisaayos ang baranggay, at ang pangulo ang magbibigay kung ano ang nararapat at hindi nararapat gawin ng isang matanda.

Nasabi nya din ang karapat-dapat na maging isang pangulo ay isang tao na may malawak ang isip, matalino, marunong makipag-kapwa, may pang-unawa at may mabuting kalooban.

Nasabi naman ni Mr. Lito Reyes na magandang paliwanag ang kanilang narinig sa pangulo ng Senior Citizen, nasabi niya na isang malaking karangalan ang magkaroon ng isang Organisasyon para sa mga nakatatanda at pagkakataong ito muling maglalapit ang loob ng isa't-isa.

Ang Senior Citizen na may edad na 60years old pataas ay may benepisyo na 20% discount sa gamot , 20% discount sa pamasahe at marami pang iba.

Matapos ang mahabang talakayan, sinimulan na ang Election of Officers.

Mga napili o nanalo na mamumuno sa mga matatanda:

President: LITO REYES

Vice- President: DANNY ATIENZA

Secretary: AMPARO MIRANDA

Treasurer: JOSEPHINE MABORRANG

Auditor: CARLO TORIBIO

PRO: ABELARDO ARCEGA

CARMELITA REYES

Sgt.-at-arms: RENE GARCIA

WILLIAM TODAVIA

ALFREDO DEL ROSARIO

Matapos ang Election of Officers, isa-isang nagsalita at nagpasalamat ang mga nahalal na Officers ng Senior Citizens.

Nagpasalamat din si Kapt. Gerald Sugue at ang mga bumubuo ng konseho sa panauhing pandangal at sa mga Senior Citizen na dumalo at nakiisa upang makapag-talaga ng isang samahan o Organisasyon sa mga nakatatanda.

At ang pulong ay natapos sa ganap na 6 pm ng gabi.

(first senior citizen meeting and election held at the new building of balsahan, "daycare center ng balsahan" yet to be known as "Victorio and Lydia Reyes Hall" built last 2007, with the allocation fund of Congressman Jesus Crispin "boying" Remula , thru the effort Brgy. Capt. Gerald Sugue).
(pictures courtesy of Brgy. Balsahan Capt. Gerald Sugue.)

ganito kami noon . . . eto kami ngayon, hindi kayo malilimutan

pe'ri·od'i·cal (adj.): meaning published at regular intervals, as weekly, etc.

Mga kanayon taga Balsahan,

Mabuhay at kamusta kayong lahat? Ang kabuuang pahina ng ating sutlanglugar at binubuo ng tatlong pahina sa kasalukuyan, GLOBALSAHAN ang unang pahina, PERIOD-de-CAL(ifornia) ang pangalawang pahina at PAGBABALIK-TANAW ang pangatlong pahina. Minarapat namin ni Delfin gawin itong lima hanggang anim na pahina upang sa ganoon ay masiyahan tayong lahat sa mga pangyayaring nakalipas na at mga pangyayari sa kasalukuyan. Subalit ang lahat po na pagdaragdag ng bawat pahina ay hindi po namin magagawa ni Delfin kung wala ang suporta ninyong lahat sa pamamagitan ng pag-papadala ng mga ala-ala ng nakalipas na kayo lamang ang nakakaalam? Ang mga pahinang idaragdag namin ni Delfin ay ang mga sumusunod:

GANITO KAMI NOON: Ang tema po nito ay mga pangyayari na natatandaan ninyo ng panahon kayo ay nasa Balsahan. Mga larawang magkakasama ang tropa, pag-lalaro ng softball, basketball. Pagkakabit ng bandera tuwing fiesta (sino ang may hawak ng pagkit at sino ang nagkakabit ng bandera habang nagliligawan?), sino ang nagluluto ng pospas at sino pinakamalakas kumain, ang mga experiensya sa baha, ang picnic sa garden, mga pangyayari sa sakatihan at grandstand. Marami tayong mga nakaraan na masarap gunitain at ibahagi sa ating mga kanayon na matagal ng hindi napapabalik sa ating Balsahan? Sana po ay suportahan ninyo ang ating sutlanglugar sa pamamagitan ng pagbabasa at mga paglalagay ng kumento ng naaayon at hindi makakasakit sa ating mga kanayon.

ETO KAMI NGAYON: Ito po ay mga pangyayari ng bagong henerasyon na sabihin nating mag sampung (10) taon na nakakalipas. Mga taga-Balsahan na hindi inabutan ang kasikatan ng Balsahan sa softball at basketball, mga taga balsahan na lumipat at naging taga balsahan. Mga kabataang nagpatuloy ng nakalipas na henerasyon ng tunay na mga taga balsahan. Kailangan namin ang suporta ninyo sa pamamagitan ng mga larawan na magkakasama kayo sa balsahan, mga kuwento ng inyong henerasyon at ng makilala namin kayo na ikaw pala ay taga balsahan?Ang TXRD ay masasabi ko na bagong henerasyon samahan at marapat lamang na maibahagi ninyo sa pahinang ito ang samahang nagpaligaya o kasalukuyang nag papaligaya sa inyo.

HINDI KAYO MALILIMUTAN: Ang tema po ng pahinang ito ay huwag natin kalimutan ang mga taong naging bahagi ng ating buhay, mga taong nagpasaya, umaruga, nagmahal, kaibigan at minahal natin ng lubusan. Ang mga taong na sa kapayapaan at kasama ng ating mahal na Panginoon sa kabilang buhay. Sa inyong kapahintulutan ay ilalagay namin ni Defin sa pahinang ito ang mga PANGALAN,PALAYAW, KAPANGANAKAN, ARAW NG SUMAKABILANG BUHAY AT EDAD.Hindi po namin ito milalathala kung wala kayong kapahintulutan.Mangyari po lamang na ipadala sa aking E-mail address balsahan2002@yahoo.com ang lahat ng inyong suporta at pahintulot sa mga na banggit na idaragdag na pahina sa ating sutlanglugar.
MARAMING SALAMAT PO

SI DING PA RIN PO